Assalammualaikum Wr.Wb
Ingkang dhahat kinurmatan bapak kepala SMP 1 Tayu, ingkang
satuhu kinabekten bapak ibu guru SMP 1 Tayu, ingkang kula tresnani kanca-kancan
siswa SMP 1 Tayu.
Puji syukur kunjuk ing ngarsanipun Allah ta’ala awit inggih
saking keparengipun kito sedaya saget kempal ing papan menika kanthi kebak ing
karaharjan lan kabagas warasan.
Bapak ibuk ingkang kinurmatan lan kanca-kanca ingkang
kinasih keparenga ingmriki kula bade matur perkawis kebersihan lingkungan. Kita
sedaya mangertosi bilih resiking lingkungan bade njalari kasarasan tumrap
sinten kemawon, ing sakiwa tengenipun kados dene kita sedaya warga SMP 1 Tayu
bilih lingkungan SMP kita resik temtu sedaya siswa dalasan guru saha kariyawan
bade manggihi kebagas warasan awit saking menika keparenga minangka wakil OSIS
ajak-ajak “mangga sedaya warga ing SMP
kita menika sadar dateng resiking lingkungan”. Kadosta sampun ngantos mbucal
wuh ing saben papan panggenan nanging kedah dipun bucal ing papan ingkang sak mestinipun
lajeng got-got ing sakiwa tengenipun gedhung ugi sampun ngantos mampet saingga
lemut saget ngabra-ambra. semantena ugi
kamar mandi kajagiya karesianipun sampun ngantos mabet pesing dumugi ing kelas,
saingga badhe ngganggu pasinaonipun para siswa.
Bapak ibu lan kanca-kanca sedaya tampa raos ikhlas kangge
ngayahi njagi resiking lingkungan kala wau sesarengan temtu mboten badhe kasil,
awit mbok bilih namung nyageraken tukang kebun kemawon tentu pendamelan kala
wau mboten badhe rampung, pramila sedaya warga SMP 1 Tayu kedah tulung
tinulung, bantu binantu, gotong royong ngayahi resik-resik lingkungan. kula
nderek meling kangge adek-adek kelas 7 lan 8 mugi manut bilih di pun bimbing
dening bapak ibu guru awit kula siswa kelsa 9 sampun badhe nilaraken sekolah
menika saperlu ngangsu kaweruh ing tataran saklajengipun. pramila ing
kalodhangan menika kula kejawi ngajak njagi resiking lingkungan ugi nyuwun
pangestu saking bapak ibu guru saha donga saking adek-adek sedaya supados siswa
kelas 9 anggenipun nggarap ujian saget
lancar lan lulus sedaya. Mekaten ingkang kula saget aturaken mugi wonten
mumpangatipun dateng kita sedaya.
Wasana cekap semanten anggen kula matur mbok bilih wonten
kalepatan kanthi andap asoring budi kula nyuwun gong samudra pangaksami nuwun
Wassallammalaikum Wr. Wb
0 komentar:
Posting Komentar